願天下既懶人都有報應

我其實都想做"三好", 不過有時做人, 真係唔好太過份!

為左做少d病人, 你就係度"dum"症. 三個字既症你做半個鐘, 半個鐘既你就做足一個鐘. 無錯, 你一日可能可以做少幾個人, 但係病人既數目卻不會因為你既行為而減少! 結果一係我呢d有良知既人被迫睇埋你d症, 一係由個病人等到死.

好啦, 等你大慈大悲肯收症, 就拎個病人黎出氣. 明明hold十分鐘既post, 就要人地hold二十分鐘. 那理其他人痛死, 但求可以"dum"症. 雖然距離個病人只有十步既距離, 但你寧願坐係度十分鐘, 見人就叫, 也拒絕"起駕",只是一直叫, 一直叫, 叫到有人去幫你扶個阿婆起身為止. 阿婆跌倒你又唔扶人, 一日到黑淨係拎住部 iphone 係度玩.

今日既遭遇, 簡直好比電影"辣手回春"的一幕. 話說有一次車禍, 有幾個病人同時入院. 幾個懶醫生護士就一窩峰擁到一個只有輕微擦傷的病人身邊, 而真正需要急救的, 卻因為他們的行為而失救而死.

不要笑, 這是真的. 有一次有一個病人係我地面前arrest 左, 成班人得我一個肯出黎同個病人急救(仲要唔係我既病人, 我都要係路過既) 而個懶人就"橋"埋手, 係一邊陰陰咀笑當戲咁睇. 我都唔要求你有醫德, 但至少可以有返d人性嗎?

對不起. 我真係諗唔到有咩理由去幫你"說好話"! 如果我再對你仁慈, 即係對我自己同千千萬萬既病人殘忍.