斷臂琴王

在大陸現在最紅的選秀節目中，出現這麼一位特殊的選手，他沒有雙臂，用腳彈鋼琴，精湛的琴藝，加上他的特殊遭遇，感動現場所有評審以及觀眾。

左右大局- 李慧玲 寫給梁太的信

戀愛男女情話綿綿，可能講過不知多少次願意為對方飛身擋子彈，但大概沒有人當真。尤其，香港人幸運，一輩子都不會遇到驗證機會。不過，只要留意一下法庭新聞，多少夫婦因財失義，為丁點銅臭已經反目成仇，便知道所謂飛身擋子彈只能視之為一首情歌的歌詞。

但香港旅客在馬尼拉被槍手脅持的慘劇，大家卻見到活生生一幕丈夫為太太飛身擋子彈。

聽倖存的梁太講述丈夫在子彈橫飛之際，如何自旅遊巴車尾撲上車頭，為她和其他人擋子彈，誰不動容？梁太呀梁太，知道你這一刻一定心如刀割，每分每秒都飽受煎熬，但人生能夠與一個願意為你擋子彈的人結伴走了幾十年，不枉了。

梁太，當你痛不欲生的時候，請你記住：當梁生撲上來為你擋子彈那一刻，他一定好希望你可以好好地生存下去、好好地生活下去。梁太，為了梁生，你要好好地活下去！你的生命從此不是你一個人的，是你和梁生兩個人的。

(作者是商台「左右大局」主持人)

每日一句

人生最大的不幸，就是不知道自己其實是幸福的，我們很少想到自己還擁有些什麼？反而對於失去的、欠缺的，卻一直念念不忘……

若思

係網上見到一個貼子的reply, 覺得很有意思.

貼子本身是說一個AL生"炒"了, 不知道應該repeat還是讀HD好. 當中有鼓勵, 亦都有一沉百踩的.

其中一個網友便說:

人生幾十年, 花唔夠一年, 盡力盡地一鋪, 比足百份之二百心機去比多個機會自己, 好讓自己未來o既路更易走..... 區區一年算得上甚麼?
就算touchwood 第二次AL 成績都係唔夠好/又衰多次英文而冇degree offer, 經過大半年努力再去考, 成績唔多唔少都會有進步吧, 成績好左自然多左選擇, 可能揀到科o岩讀而前途又唔錯o既 AD/HD, 再繼續發奮讀落去, 始終會有出人頭地o既一日... 就算AL成績冇進步甚至退步, 花o既一年係唔會白花, 你對人生可能會有第D 體會........可能會因為損失太多更令佢更珍惜佢當前擁有o既一切, 未來更會把握每一個機會.... 當盡左力之後, 就算一切落空, 最終佢至少亦可自豪地講一句: 我今生無悔..

想當年, 我有個中七同學佢會考十七分, AL 全科pass, ALL E, 佢絕對有能力repeat 去考個更好o既成績....我叫佢一齊repeat, 結果佢唔聽我講去, 佢走去讀 AD, 畢業後保安員都做過... 後來讀埋個DEGREE 先叫做入返佢o個行, 而家只係搵個萬三蚊一個月的合約工..他的路....並不易行.. 相反, 我會考十五分, AL 成績亦比他差, 但我唔認輸, 檢討自己弱點後.... 響o個大半年搏到盡, 結果如願以償入到心儀的大學... 到今時今日, 當前份工月薪萬七, 而不久之前剛獲一聘書, 人工 25K 以上 .... 我想我當年REPEAT 的決定... 我並無選錯..... REPEAT 後我的路比那位朋友易走得多...

xx(踩人的網友), 每當睇到你呢類人, 我覺得好自豪, 因為響我事業不斷向上, 不斷改善自己o既過程中, 遇過無數好似你呢種狗眼看人低o既人.... 佢地往往都會以昨天見到的我來定奪我的將來, 當我同哩D 人講我要申請某某工作, 佢地o既反應係 "你?! 算吧啦, 呢D 工唔係我地考"...我冇回應佢, 我繼續默默耕耘, 已經一步一步地向著我o既目標進發將他們抛離得老遠了.... 又有些所以謂的朋友, 會響你背後同其它朋友講一些大致上都係貶低你o既說話...... 通常呢種狗眼看人低o既人, 根本就係對自己既冇信心而又懶散o既無能人士, 佢地欠缺正能量, 思想極度負面, 工作態度欠積極, 自己做唔到的就認定人地同佢一樣.... 今日我所得的, 已足夠證明給當年睇低我的那班白鴿眼, 你地先係真正的廢物!

自私的父母

恩羽的不幸, 不是源於她比別人少了一隻手, 而是她比別人多了一對歧視她的父母.

為什麼要醫管局負責? 要是一早發現, 也不能把左手變回來. 唯一可以做的, 只有墮胎.

為什麼恩羽的父母不替她安義肢? 要讓小女孩承受一切不必要的歧視?

做父母的, 是不論自己的孩子是否完美, 也無條件的接納, 包容, 給予他們無限的鼓勵, 支持. 而不是嫌棄, 利用孩子的缺憾去討利益.



五歲獨臂女裝義肢要醫管局終身負責

子女健康成長是為人父母最大希望，子女不幸先天殘障，家長承受壓力不足為外人道。五年前在公立醫院誕下沒有左前臂女兒的林太，過去五年一直堅持是醫院疏忽 導致女兒恩羽一生受苦，女兒上月剛度過五歲生日，仍未安裝義肢，經常遭人取笑。林太透過法援向醫院管理局追討，上月終收到局方提出調解要求，願對她精神困 擾作出賠償。林太不接受，堅持要醫管局承擔女兒日後安裝和更換義肢的所有費用。

本報在二○○五年已報道林太的遭遇，她當年先後在聯合醫院和威爾斯親王醫院進行共六次超聲波檢查，並未發現胎兒有異樣，女兒出生才驚覺沒有左前臂和手掌。

從事零售業的林太與擔任技術員的丈夫都在內地工作，大部分時間在內地生活。由於內地文化對殘障兒童歧視，令她一直向內地父母隱瞞女兒殘障一事，也不敢帶女兒回內地與親戚見面，忍痛交由本港的寄養家庭照顧。

父母居內地女兒寄養

寄養家庭雖很疼愛恩羽，但始終不及父母貼身照顧。林太五年來奔波兩地，每半個月與丈夫和兩名兒子來港，接女兒到上 水的家中共敍天倫。每逢與女兒外出，只到家居附近的廣場和公園玩耍，不敢帶女兒到人多地方。林太說，多次與女兒外出時受到其他小朋友取笑：「有啲小朋友見 到佢就打冷震，話『媽咪，我好驚呀！』有啲小朋友行快幾步，當佢係外星人。」故此即使在炎熱天氣下，外出時仍以衣服遮蓋女兒左手，以免別人看見。

林太認為，女兒的不幸是醫院疏忽所致，醫管局應對女兒負責任：「我唔係要錢，只係想醫管局為女兒負責終身安裝及更換義肢。」醫管局以事件進入司法程序為由，暫時不作回應。

暑假過後，五歲的恩羽將升幼稚園高班，明年升小一。林太擔心，若遲遲未安裝義肢，對恩羽的學習、成長及心理均帶來影響：「好多同學仔笑佢無手，佢好唔開心，又成日問我，幾時可以裝義肢。」

恩羽就讀的幼稚園校長彭美玲表示，恩羽與其他同學一樣，非常活潑，沒有因左手的殘障影響她與同學相處，今年更開始學習芭蕾舞。彭校長稱恩羽相當獨立，日常刷牙、穿衣服和洗面等，都毋須幫助。

打女人的男人至無品

睇怕我都係"流年不利"啦! 上個禮拜先撞完車, 今個禮拜又比人打, 唉~~

話說我今次既對手係一個接受左三次腎臟移植既病人. 佢無booking, 自己walk-in. 本來我都係本住"好心"黎收佢症. 點知佢竟然發我脾氣. 一時又鬧我整痛佢, 一時又嘗試打爛我地既儀器, 仲不時咁好大力推開我.

最精采既語錄:

"你整痛我隻腳, 你知唔知我岩岩做完腎臟移植手術?" (我心諗: 你個腎生係個隻腳度ga? 關個手術咩事? 掂下都痛. 下次不如你去做腦部移植, 將個腦移去pat pat度呀!)


"你用隻左腳落地先, 我會係旁邊扶住你".(個時佢隻左腳離地不會超過5cm)
"你即刻同我降低張床, 我隻右腳痛!"
"我知你右腳痛. 張床真係唔可以再低. 其實你都差唔多到地. 你慢慢將重心放係左腳度, 扶住張床就ok" (我心諗: 我d病人130cm都落到. 你170cm竟然落唔到? 講笑咩?!)
"總之我右腳痛!"
(我心諗: 你識唔識分左右ga? 叫你用左腳呀! 況且頭先我先見你用"左右腳"行入黎, 平衡力不知幾好. 宜家行得到又企唔到, 玩呀?)


(平靜+勸阻既語氣) "你唔可以扯我地部機, 會斷的!" (我心諗: 你成220磅, 咩都斷啦!)
(怒吼) "你想點? 你究竟想點? 你想點咪同我講law!"
(我心諗: 咪講左law, 我淨係想你唔好扯. That is!)


"佢地岩岩係我右手拎返條PICC line出黎, 仲好痛. 你唔好掂我! 想點同我講! 我自己黎!"
"好, 你宜家坐低, 面向前方."
坐低, 而向左面.
"不是左面, 是前方"
誰知他用力把我推開, 又對我怒吼 "你想點? 你究竟想點? 你唔好掂我! 你知唔知我左手有傷? 你整痛我!"
(我心諗: 你十秒前又話右手痛, 而家又話左手. 仲有, 我輕輕掂下你隻手就痛, 你咁大力推我個時隻手就唔痛. 玩野呀?!)


我終於忍唔住, 同佢講 "唔該你講野有禮貌d."
"你知唔知我岩岩做完腎臟移植手術?!"
(我心諗: 頂! 做完手術大晒呀?! 而且閣下已經康復仲出埋院啦! 如果係咁, 我尋日個個係ICU出黎既病人咪可以殺人?!)


最後, 兩個睇大家唔順眼既人大打出手, 結果比呢個自稱"手痛腳痛, 岩岩做完大手術"既人, 用一招"雲手"贏左!

唔該, 點樣先可以投訴病人? 救命!

最好的歸宿

誠然，《Toy Story 3》不是這系列最精彩的一齣，可是，它還是能觸動我，讓我在故事開始不久，在巴斯與胡迪閒話家常、笑着嬉鬧的時候，我竟然，已經有想哭的衝動了。

預知結局從來都不是一件應該的事。知道了愛情的結局，面對懵懂無辜的另一半，就很難裝作平靜如常，在擁抱時不會抖顫，接吻後不會嘆氣。知道了電影那悲哀黯然的結局，即使是瑣細尋常的日常風景，已足夠教人傷懷，敏感神經被觸動了。

對我來說，《Toy Story 3》是關於擁有與放手的故事。胡迪忘不了擁有自己的安迪主人，即使明知託兒所比較好，理智地分析，那裏也是比較好的歸宿，可情感上就是割捨不了，即使你牽掛的人已經長大，他已經很久沒有跟你玩，專注看你，你的心還是離不開他，一直自欺惦記着往昔曾經有過的親密與美麗。然而到最後，歷盡千迴百劫，胡迪與一眾玩具還是不得不放手，在最好的時候，跟生命裏曾經專屬的那個人，忍着眼淚，笑着道別，各自往未知的將來迎向。

這，聽說就是最好的結局。

當看着早已成年的安迪在草坪上拿着胡迪與巴斯等玩具跟玩具的新主人忘我遊戲，我的眼淚已經無法再強忍下去。終於重拾童真，一圓胡迪、巴斯想再跟主人像當年那樣痛快再玩一次的願望，達成了，然而卻已經是訣別前的絕唱了。愈是快樂，愈是盡情，其實，就愈是傷懷，愈是絕情。

請別忘了，分手前的激烈擁吻，在回憶裏，往往是最痛的。

王貽興