家規

我承認我"脾氣臭". 一件事, 如果要我重覆話你三次以上, 你都仲係唔改, 我真係會"發火". 因為, 我expect同緊一個"成人"溝通緊, 而不是一個三歲既小朋友. 而且, this is MY HOME! You have to obey all my rules! 正如返學有校規, 社會有法律, 我屋企亦都有規矩. 唔係閣下中意點就點!

我發火既原因

1. 食晒雪櫃既野, 包括我的午餐和晚餐, 仲要係"without notice"
2. 強辯你無食晒, 因為每一盒其實仲有一啖未食
3. 洗完碗, 成個廚房都係水, 碗有油漬, 爐頭無抺, 成個洗手盆都係泡同菜渣
4. 一日裡面一個人用晒我一卷廁紙
5. 長期將所有衫, 袋, 書, 雜物, 廢紙, 垃圾, 食物......放晒係地下同書枱, 房間長期瀰漫著一股腐臭既味道. 叫你執房, 你卻強辯無用的已經收拾好. 而地上所有的東西你全部都要用而不能收拾.
6. 用完全身鏡唔收. 因為你的全身鏡正正對著我的書枱. 害我老是覺得身後有一股寒氣, 還有一種被"監視"既感覺.
7. 日日敷幾個面膜, 成個洗手盆都係你既一支支, 滿佈青苔既洗面膏, 面膜, 減肥膏, 生晒鏽既髮夾....
8. 成個洗手盆都係你既"面膜漬". 開水開到最大, 搞到成地都係水. 唔用又唔關水喉.
9. 食完朱古力, 地下, 梳化上既碎唔執, 仲用腳指"摔"扁佢. 剪頭髮到成地都係又唔執, 染髮又到成地氈都係
10. 我有嚴重既"職業病", 屋企最好長期處於"無菌狀態". 我真係容忍唔到去完廁所只用清水洗手, 永遠唔用肥皂. 摔完腳指又可以唔洗手就去整壽司, 貓既污糟沙兜又可以放係枱面. 將所有廁所既垃圾扔去廚房......
11. 帶人返我屋企而唔先問過我.
12. 要我煮飯. 煮完之後又因為唔合口味, 挑兩挑又唔食, 走去食零食.
13. 講大話
14. 大話被拆穿, 仍要"死頂"
15. 證據確作, "頂"無可"頂"之時, 扮可憐, 無辜, 同喊!
16. 嘔, 唔去廁所嘔, 要係浴缸嘔, 仲要嘔完唔執. 任由d食物殘渣係浴缸"飄浮"
17. 用完洗頭水/淋浴露永遠都唔換新. 廁紙永遠用剩兩格
18. 返學化full make-up, 低胸加5吋高長boot加勁短熱褲

......................