秋生大哥, 請容許我給你一個"讚"!
-----------------------------------------------------------------------------------------
近期模不停谷「事業線」胸襲娛樂圈，即使今年貿發局禁她們在書展舉行簽名會，眾女亦各出奇謀求突圍，最具挑釁性是去年寫真戰中成功上位的「寫真女 王」周秀娜，與一眾師妹新八模、Annie G.、Hailey C.、A. Lin及DaDa Lo等為表達對貿發局的不滿，推出Copybook寫上「我要每年入書展辦簽名會」，更大罵當局做法虛偽。而周秀娜亦承認「Copybook橋」是她與一 班師妹組成的十三人顧問團開會度的橋。
醒橋教睇「全相」
周秀娜等人的言行，觸怒一向關注社會大事的黃秋生，他昨日為鍾景輝推出自傳的活動撐場，提起對模的睇法，他連珠炮 發：「依家群妖亂舞、事業線同黑氣都沖晒天，挑戰道德底線、婦女團體同政府啦！（唔支持？）每種職業都值得尊重，但有啲嘢毋庸置疑，佢哋嘅做法等同妓女上 街遊行，但行埋入屋邨，撩鬼攞命囉！」秋生續說：「我哋睇書嘅，有佢哋喺度都唔行入書展。佢哋可以自己搞個書展喺附近抗衡，我醒埋條橋畀佢哋，乘勢推出相 書教人點睇全相囉！」
至昨晚秋生出席音樂會，對於o靚模表示被禁於書展谷書要申訴，他毫不客氣地說：「要申訴搵紫藤，知唔知紫藤係咩？ （性工作者關注組織。）但係周秀娜唔知吖嘛！」
着搵「紫藤」申訴
他認為書展決定正確，揚言文化有高低雅俗之分，暗諷周秀娜出Copybook圖殺入書展：「佢哋應該開個 Column，叫『十三妹書展』，周秀娜做會長，佢咁叻，諗咁多橋。」他直斥她們挑戰大眾價值觀：「講得唔好聽就係犯眾憎。（覺佢哋Cheap？）好明 顯。（有咩建議畀周秀娜？）收聲，之後喺第二個地方搞書展。打比喻，性工作者去遊行冇問題，但去太古城有家爺仔乸嘅地方遊行就有問題。」
轟藝術色情不分
對於周秀娜指書展虛偽及低能的言論，秋生反問對方：「咁係咪你（周秀娜）就好坦白同好高智商？佢一句話就鬧晒所有 支持書展嘅人。佢冇智慧，可能讀得書少。（唔怕畀佢批評你冇修養？）修養，If she got any？佢EQ高，但引起謾罵，唔係一個宣傳手法，我拍三級片就三級，唔通同政府講我係藝術片，如果係咁，即係我唔識得藝術同色情嘅分別，好明顯佢係唔 識。」
寸嘴反擊
Annie G.反寸秋生：「講妓女可能佢熟啲，佢成日同呢啲報道有關。」
新八模對秋生的妓女論感不快：「可以畀指引我哋做得好啲，但佢哋冇，我哋80後真係Bad Luck！」
A. Lin：「連啲老模都鬧我哋！我哋唔係妓女，唔好攻擊我哋！」DaDa：「我哋冇做錯！香港冇言論自由！」並反指有人先做壞風氣，更聲稱她們去年亦入到書 展。
No comments:
Post a Comment